Најава Најава

ПРАВИЛА И УСЛОВИ ЗА КОРИСТЕЊЕ НА ЕНЕР ОД СТРАНА НА РЕГИСТРИРАН КОРИСНИК

1. Општи одредби

Овие Правила и услови се однесуваат на користењето на Единствениот национален електронски регистар на прописи на Република Македонија (во понатамошниот текст: ЕНЕР) од страна на веќе регистриран корисник или лице кое сака да се регистрира.

ЕНЕР е достапен на веб локацијата: https://ener.gov.mk/ и содржи прописи во Република Македонија и предлог прописина министерствата во фаза на подготовка, Извештаи за проценка на влијанието на регулативата и консолидирани текстови на закони), документи (политики, стратегии, акциски планови, стратешки планови, програми, планови, извештаи, методологии, насоки, оперативни планови, декларации, повелби, протоколи, стандарди и друго), можност за електронско поднесување на иницијативи (за прописи или општи) и форум-тематски дебати.

ЕНЕР претставува алатка наменета за електронско информирање и електронска консултација на понудените содржини со граѓаните на Република Северна Македонија, невладиниот сектор, деловните субјекти, синдикатите, стопанските комори, здруженијата и фондации, односно сите физички и правни лица кои можат да бидат директно или индиректно засегнати од спроведувањето на законите и другите прописи или кои ги застапуваат интересите на одредени групи во општеството.

Вашата регистрација и/или понатамошното користење на функционалностите на ЕНЕР претставува Ваше согласување со овие Правила и услови. Доколку не ги следите и не постапувате согласно овие Правила и услови, Министерството за информатичко општество и администрација (во понатамошниот текст: МИОА) може да го де-активира Вашиот кориснички профил и со тоа да ви биде оневозможено понатамошно користење на функционалностите на ЕНЕР.

2. Регистрација и управување со кориснички профил

Со ЕНЕР управува МИОА. МИОА ја активира регистрацијата на администраторите од институции, кои пак ја активираат регистрацијата на владините уредници. Регистрацијата на јавните корисници не подлежи на активирање.

За Вие лично да ги користите функционалностите на ЕНЕР потребно е да се регистрирате преку пополнување на веб формата за регистрација. Вашето корисничко име во ЕНЕР е валидна адреса за е-пошта која Вие ја избирате и внесувате при регистрација. Корисничкото име не може да го менувате и по него се следат записите за преземени дејствија во системот од Ваша страна. Исто така, Вие, по сопствен избор, ја креирате и Вашата лозинка. Доколку сакате, можете да ја менувате прв пат внесената лозинка, како и секоја подоцна креирана лозинка.

Доколку сте ја заборавиле Вашата лозинка, тогаш преку линкот „Нова лозинка“, кој се наоѓа подполињата за најава на регистриран корисник во ЕНЕР, ја активирате процедурата за креирање нова лозинка..

Вашиот кориснички профил ќе биде де-активиран од страна на:

  • - МИОА, доколку повеќе не ја извршувате улогата на администратор во институција,
  • - администратор во институција, доколку повеќе не ја извршувате улогата на владин уредник, и
  • - МИОА, доколку како корисник не ги следите и не постапувате согласно овие Правила и услови.

Де-активацијата значи дека повеќе не можете да ги користите функционалностите на ЕНЕР, но Вашиот кориснички профил нема да биде избришан од базата на податоци.

3. Внесување, ажурирање и заштита на личните податоци во ЕНЕР

Со внесување на податоци во соодветните полиња од веб образецот за регистрација, Вие ја потврдувате нивната точност и ажурност. Ако било кој податок внесен во веб образецот за регистрација се промени, може да го ажурирате преку користење на линкот „Кориснички профил“ кој му е достапен на секој најавен корисник.

МИОА има воспоставено и применува систем на технички и организациски мерки за обезбедување на тајност и заштита на обработката на лични податоци кои соодветно се применуваат и за личните податоци што се обработуваат преку ЕНЕР.

Со Вашето регистрирање и отворање кориснички профил на ЕНЕР и Вие преземате одговорност за зачувување на доверливоста на вашите лични податоци. Заради заштита од злоупотреби, личните податоци внесени во ЕНЕР не треба да ги откривате на трети лица и лично треба да пристапувате и да го користите корисничкиот профил на ЕНЕР и да оневозможите користење на Вашиот профил од страна на било кое друго лице.

Ако од која било причина сметате дека Вашиот кориснички профил не е повеќе безбеден (на пример, во случај на губење, крадење или неовластено откривање или користење на вашето корисничко име/лозинка и лични податоци), мора веднаш да го промените податокот преку користење на соодветниот механизам за промена или да го контактирате МИОА на следната адреса: ener@ener.gov.mk.

Доколку се соочите со било каков проблем при внесување или ажурирање на податоците, треба да го контактирате МИОА.

4. Дозволен начин на користење на ЕНЕР

Не може да овластите други лица да го користат Вашиот кориснички профил на ЕНЕР, а доколку го направите тоа одговорноста за преземените дејствија од страна на оние за кои сте им дозволиле да го користат Вашиот профил е целосно Ваша.

ЕНЕР смеете да го користите само за целите за кои е креиран и воспоставен.

Преку ЕНЕР не смеете да објавувате или обезбедувате пристап до содржини (текстови, графички елементи, фотографии, слики, видео или аудио материјали) со кои би се повределе нечии авторски права, интелектуална сопственост, деловни тајни или било кој друг вид лични или сопственички права на било која трета страна, а доколку тоа го направите мора да биде со претходна согласност на сопствениците на тие права. Преку ЕНЕР не смеете да објавувате или обезбедувате пристап до содржини со кои се нарушува нечија приватност. Преку ЕНЕР не смеете да објавувате или обезбедувате пристап до содржини со кои се нарушуваат основните слободи и права на граѓаните на Република Северна Македонија, односно да објавувате недолична, неморална и навредлива содржина.

Вие се согласувате дека нема да се обидувате да го нарушувате, напаѓате, модифицирате или преземете друго дејствие со кои може да предизвикате негативни последици по функционирањето на ЕНЕР или по користењето на ЕНЕР од страна на другите корисници.

5. Завршни одредби

Овие Правила и услови за користење на ЕНЕР може повремено да се менуваат. Информација за направените промени ќе се објавува во линкот „Новости“ на ЕНЕР. Вашиот континуиран пристап на веб локацијата на ЕНЕР ќе значи дека ги прифаќате сите измени на Правилата и условите за користење на ЕНЕР.


Со кликнување на копчето „Се согласувам“ потврдувате дека сте ги прочитале, разбрале и ги прифаќате Правилата и условите за користење на ЕНЕР.

Пропис: Закон за изменување и дополнување на Законот за основното образование

Министерство за образование и наука
10.02.2023
Закон
Отворен
Со овој Предлог - Закон за изменување и дополнување на Законот за основното образование се изменува и дополнува постојниот Закон за основното образование со цел регулирање на воспитно образовниот процес во воспитно-поправните и казнено поправните установи.
КоментирајВо консултациите можат да учествуваат исклучиво регистрирани корисници. Доколку сакате да оставите коментар, најавете се или регистрирајте сметка,тука!

- - коментари - -

03.03.2023 Тони Стефанов

Почитувани,
Согласно предложениве измени, се решава статусот само на училиштето Макаренјо, кое ќе оди под капа на државата. Но што е со општинските установи, односно Отворените граѓански универзитети за доживотно учење.
Согласно последниот попис на населението, во Македонија има фрапантни 110.000 возрасни луѓе, кои немаат никакво или се со недооформено основно образование.
Малку за нас,
Општинската установа Отворен граѓански универзитет за доживотно учење „Неготино“ од Неготино има верификација за Основно образование за возрасни со Решение бр. 10-750/2 од 07.06.1995 година од страна на МОН.

(покрај нас, и голем број на други Отворени граѓански универзитети Прилеп, Гостивар, Охрид, Тетово

Во досегашното наше работење се раководевме со Правилникот за критериумите и начинот на остварување на основното образование на возрасни ( Сл.весник на РМ бр.35/96, стр.16)

http://www.slvesnik.com.mk/Issues/752F7592A6B4427D87EBB9548AFB85C3.pdf

и ја спроведувавме Концепцијата за основно образование на возрасните (МОН и Биро за развој на образованието) од март 2005 година.

Во последниве 4 (четири) години ни се јавуваат возрасни кандидати (родени после 2000 година, значи веќе имаат од 18 до 23 години), кои што го започнале своето образование во деветгодишно основно образование, го прекинале образованието како деца и сега како возрасни сакаат да го дооформат своето основно образование.

Ние, согласно Законот за Основно образование („Сл.весник на РСМ бр.161/2019 г., член 3, став 2 и член 71, став 1) каде стои

„(1) Ученикот кој наполнил 16 години, а сеуште не завршил основно образование, го продолжува образованието во рамките на програмата за основно образование за возрасни“.

имаме обврска да ги прифатиме овие кандидати, а нашиот проблем е што нема Програма за деветгодишно образование за возрасни.

Исто така, последниве 4 години имаме огромен проблем и со обрасци-Свидетелства за завршено образование за возрасни, бидејќи такви обрасци веќе не постојат.


Со почит,

Тони Стефанов, 075 611-191
Отворен граѓански универзитет
„Неготино“

03.04.2023 Министерство за образование и наука

Почитувани, Благодариме на коментарот, но со овој Предлог - Закон за изменување и дополнување на Законот за основното образование се изменува и дополнува постојниот Закон за основното образование со цел регулирање на воспитно образовниот процес во воспитно-поправните и казнено поправните установи. Со овој закон ќе се обезбеди континуиран образовен процес за децата во воспитно-поправните и казнено поправните установи, чие образование ќе се заврши со документ за завршено формално основно образование-свидетелство. Законот за основното образование (член 15 ставови 2 и 6) уредува дека основно образование се организира и остварува и во здравствени установи, казнено-поправни и воспитно-поправни установи, како и во домашни услови, согласно со овој закон. Основно образование во здравствени установи и казнено-поправни и воспитно-поправни установи, го реализира училиштето кое е најблиско до установата и реализира настава на мајчин јазик на ученикот во овие установи. Со оглед дека праксата покажа дека ова решение е неекономично и тешко изводливо се одлучи ставот 6 да се измени во насока да основно образование во казнено-поправни установи се реализира по наставен план и наставни програми за основно образование на возрасни, а го реализира училиштето кое има верификација за образование за возрасни и реализира настава на мајчин јазик на ученикот во овие установи. Основно образование во воспитно-поправни установи се реализира по посебен наставен план и наставни програми, а го реализира училиштето кое има верификација за основно образование за деца во воспитно-поправни установи и реализира настава на мајчин јазик на ученикот во овие установи. Со тоа би се реализирале дел од препораките во извештајот на Европската Унија за напредокот на земјата во делот на човекови права.
<< < 1 > >>